ANINO SA KAHAYAG
Kahayag. Matag usa kanato nanginahanglan ug kahayag. Ang kahayag mao ang mogiya kanato sa atong paga-agian. Kun wala ang kahayag, malagmit mapandol kita sa dalan ug mahitumpawak kita sa kaalautan. Ang kahayag usab sa huna huna mao ang mogiya kanato sa paghimo ug hustong mga desisyon sa kinabuhi. Apan dili nato kalikayan nga moabot gayud ang gabii sa atong kinabuhi ug mawala ang kahayag. Apan bisan pa niini, aduna unta kitay makita bisan anino man lamang. Ug tungod niini, mapagarbuhong ipasundayg kaninyo gikan sa St. Francis team ang usa ka drama nga nag ulohan , "Anino sa kahayag."
Scene 1
PEDRO: Juan, anak, Andam na ba ka? kay moadto na ta's simbahan sanglit Dominggo man karon. Pagdali diha kay daghan ra bag manimba ron kay hapit nay pista. Pagdali para makalingkod ta.
JUAN : O tay, hulat sa kadiyot. OK. Andam na ko. Tana. (samtang molakaw sila) Tay, mag-unsa man ta sa pista ato bang ihawon tong atong baboy?
PEDRO: Syempre anak, isip pasalamat sa atong patron nga si San Roque. Nagkasabot na mi si Nanay nimo nga ato sang ihawon ang atong baboy .
JUAN: Mao ba? kalooy sad sa atong baboy.
PEDRO: Ayaw kabalaka anak kay inig maihaw na tong atong babboy, mopalit na usab kita ug bag-ong baboy para dili ka mingawon sa imong baboy. Ok?
JUAN: Sige, tay maayo noon. Yuna pa, tay, tua silang lolo sa unahan O!. (singgit ug kaway) Lo... Huwat (dagan, Lolo hunong ) Tiyo! (tiyo lingi)
TASIO: Oy, apo (Juan mo- amen) kaloy-an kas' Ginoo.
JUAN: Maayong buntag kanimo lo. Tiyo (amen sa tiyo) maayong buntag usab.
TIYO RAMON: kaloy-an ka sa Ginoo, Juan.
TASIO: Kinsa bay imong uban doy?
JUAN: Si Papa, manimba man mi padulong.
TIYO RAMON: Pagkabuotan gayud nimo nga bata Juan.
JUAN: Salamat tiyo, Oy, gaw mosimba diay pod ka?
NILO: O gaw, syempre para kaloy-an ta ni Lord ba.
JUAN: Ingon ana gyud gaw kay di ba niingon man to si titser nga ang batang mosimba sa Ginoo, kaloy-an sa Ginoo.
NILO: Bitaw gaw, para pod makapasalamt ta ni Papa Jesus di ba lo?
TASIO: Husto mga apo.
PEDRO: Maayong adlaw tay, (mo-amen ni Tasio)maayo kay nagkaabot ta Buyno, magkuyog na lang ta.
(exit)
Mao kadto ang pamilya ni Pedro, usa lamang ang iyang anak nga mao si Juan ug sukad sa pagkabata iya na kining gimatuto pag-ayo ug gianad niya sa pagsimba kada Dominggo. Samtang bata pa ang iyang anak, iya kining gitudluan sa mga maayong butang. Usa ka adlaw niana........
Scene 2
PEDRO: Doy, Juan, paglung-ag na kay hapit na to mouli tong imong inahan gikan nanglaba.
JUAN: O tay (mogawas, mobalik) Tay, tay, wala na man diay tay bugas para lung agon.
PEDRO: Mao ba? Unsaon na man ni? Sigurado akong gutmon gyud tong imong inahan inig abot niya gikan nanglaba, Yuna, ah maayo pa pamaylo na lang una adto sa atong silingan si Nong Terso. Ingna nga mamaylo ta'g usa ka gantang ug anha lang bayaran inig makauga na ta sa atong humay.
JUAN: O, tay (kuha ug cellophane) Sige tay, molakaw sa ko. (moamen, molakaw) Ayo...Ayo...
TERSO: Oy, doy, unsa may ato?
JUAN: Maayong udto nong Terso,(moamen)
TERSO: Kaloy-an ka sa Dios doy.
JUAN: Miingon si Tatay nga mamaylo sa kuno siya ug bugas, usa ka gantang.
TERSO: Unsay gatas?
JUAN: (kusog tingog) Bugas, usa ka gantang kay wa na man mi lung agon unya mouli ra ba to si Nanay gikan nanglaba.
TERSO: Mao ba, Abi ko bag gatas. Kusga pod intawon ug sulti doy kay kabalo na ka ning magkatiguwang ta , magkabungol. Pila ba diay imong bayloon
JUAN: Usa ka gantang,
TERSO: Sige, paghulat sa diha kay magkuha ko. Bi, ambi nang imong sudlanan (mogawas, mobalik dala ang bugas) O, ania.
JUAN: Salamat kaayo nong ha? Ingon diay si Tatay nga anha ra ni niya bayran kun makauga na mis amoang humay.
TERSO: O sige, paghinay-hinay ( exit Juan, then Terso, then Juan enter with the rice)
JUAN: Tay, tay, ania ra ang bugas.
PEDRO: Maayo kay nakadala ka, buyno, hala sige ihatod kining utan adto ni Noy Terso kay buotan ra ba kaayo nang tiguwanga.
JUAN: Nag-utan diay ka tay?
PEDRO: O lagi kay nahurot na man gud ang atong paropot.
JUAN: Unsa man ning utana tay?
PEDRO: Aw, nilaw-oy ra gud nga kamunggay. May na lang makahigop ug sabaw ang tiguwang. Sige na.
JUAN: O Tay.(exit)
Bisan pa man ug kabos sila si Pedro apan malipayon gihapon sila tungod kay nagkahiusa man sila. Ug bisan pa man sa ilang kakabos, buot ni Pedro nga maka human sa pagtungha ang iyang bugtong anak busa naningkamot gayud siya pag ayo.
Scene 3
JUAN: Tay, tay, tan awa O!. Dako kaayo kog grado sa akong pagtungha.
PEDRO: Maayo anak, ingon ana gyud. Pagtarong sa imong pagtuon aron nga mahimong lamdag ang imong kaugmaon. Gusto ko nga dili ka mapareho namo sa imong nanay nga way nahuman. Gusto ko nga mahimo kang edukado aron dili ka maglisod inig maminyo ka pohon. (Adunay motuktok) Yuna pa, mura ug adunay nangayug kaayohan, adtoa daw
BERT: Maayo, maayong adlaw.
JUAN: Unsay ato?
BERT: Maayong buntag diha kanimo doy. Pwede ba ko nga mohangyo ug tubig kay giuhaw na gyud ko kaayo.
PEDRO: Kinsa kana Juan?
BERT: Maayong buntag diha kanimo bay. Pwede ba ko nga mohangyo ug bisan tubig na lang kay giuhaw na gyud ko kaayo. Gikan pa man gud ko sa layong dapit ug padulong ko sa lungsod. Ug sanglit kay wala man koy pamasahe mao nga naglakat lang ko. Mahimo ba?
PEDRO: Mao ba? Kalooy sab nimo. Sige dayon. Lingkod una. Juan, sige tawga ang imong inahan ug ingna ipa andam na ang lamisa kay manihapon na ta karong taud taud. . Ingna usab nga paapilan ug usa ka plato alang sa atong bisita. Unya, pagdala dayon ug tubig diri.
JUAN: O tay.(gawas)
BERT: Apan bay, sobra na kana kaayo..(sulod Juan dala ang tubig)
JUAN: Dia ra ang tubig noy, sige inom sa!
BERT: Salamat doy.
JUAN: Way sapayan noy. (gawas)
BERT: Maikog man sad ta ninyo.
PEDRO: Ayg igsapayan kana bay. Kabalo ko nga gigutom sab ka. Busa hinaut dili nimo balibaran ang akong dalit nga panihapon. Magpinobre lang gud ta, unsaon man nga pobre man gyud ta.Ug kon buot mo, diri na lang pagpalabay sa kagabhion.
BERT: Pagkamaayo ninyo, bay. Kaloy-an gayud kamo sa Ginoo.(gawas Juan)
JUAN: Tay, andam na ang lamisa.
PEDRO: Buyno, tana.
Puno sa kaayo ang pamilya ni Pedro. Ug tungod sa pangpaningkamot ni Pedro binuligan sa pagtinarong ni Juan sa iyang pagtunga, nakahuman gayud si Juan ug kurso sa kolehiyo. Milabay ang daghang panahon ug nakahimo na usab si Juan ug iyang kaugalingon nga pamilya. Aduna siyay tulo ka anak, nga pulos lalaki. Si Junior, si Jake, ug si Alvin Usa ka adlaw nga Domingo niana. (Jr. nag tan-aw sa TV)
Scene 4
ALVIN: Kuya, aduna ka bay kwarta diha kay aduna koy paliton.
JR:(gatan-aw ug tv) Unsay kwarta, kita kang pobre pa tas ilaga. Ug mangayo diay ka ni Papa.
ALVIN: Ambot na si Papa uy, modayon man ug ingon nga wala daw siyay kwarta. Makalagot! Daghan pag sermon.(moabot si Jake magdagan, excited)
JAKE: Pa, pa.
JR: Ngano ka Jake?
JAKE: Hain si Papa, si Mama? (Juan mogawas)
JUAN: O Jake, nganong nangita ka kanako?
JAKE: Pa, tan-awa (pakita sa sulat) Sulat ni Pa, gika sa seminaryo, nakapasar ko.
JUAN: Unsa? Pagkamaayo. Congratulations anak. Buyno, mangadto kita sa simbahan karon kay Dominggo man aron makapasalamat kita sa Ginoo. JR, Alvin, hala sige pag-ilis na mo.
JAKE: Sige, pa, mag-ilis na sab ko.
JUAN: Hoy, Jr., Alvin, unsa ba, sige na , pagnga na ng TV diha
JR: Sus, simba simba way nadato ana.
JUAN: Tan-awa ra. Mao ba nay imong nakat-onan sa imong pagtungha. (Jr. molakaw nga nagbagutbot) Ikaw Alvin, ayaw ko ingna ug dili sad ka mosimba.
AALVIN: Pa, aduna koy lakaw karong taud-taud. Aduna mi himoon nga project sa akong mga classmates.
JUAN: Hesus, Ginoo, bisan Dominggo, project gihapon. Naunsa na man ning kalibutan karon uy! (gawas Jake) Buyno, tana kay dili siguro mokuyog nato tong inyong duha ka igsoon.
JAKE: Mao ba? (exit)
Hinuon maayo nga tawo si Juan apan kulang siya sa disiplina sa iyang mga anak. Dako kaayo ang iyang pagmahal kanila ug tungod sab siguro sa impluwensiya sa press, nahilo ang huna huna sa mga kabatan-onan ilabina ang duha niya ka anak . Usa ka adlaw niana......
Scene 5
MICHAEL: Uy, JR. bay. Kumusta man? Unsay lingaw nato ron?
JR: Wa lagi.
MICHAEL: Buyno, kuyog ta adto ta ilang Gino (smoking cigars)
JR: Mag unsa man ta didto?
MICHAEL: Sus, mangita gud ta'g lingaw. (aduna silay matagbuan)
MIGUEL: Michael, doy, balhina sa intawon tong baka.
MICHAEL: Saba, kalingaw na raman ako. Ikaw diay. Peste kang tiguwanga ka. Samok,
(padayon sa paglakaw) Sus, makalagot jud nang tiguwanga angay a patyon.
JR: Kinsa diay to bay?
MICHAEL: Ah! Way lain ang ahong kinakusgang amahan.
JR: Mao ba?
GINO: Uy! Mike kumusta? Maayo kay imong gidala ning buang dinhi.
JR: Abay! Nya, unsa may lingaw diri.
GINO: Aw, syempre, tagay ta. O imo sa ni.
JR: Salamat bay.
MICHAEL: Bay, tilawi daw ning sigarilyo.
JR: Ha?
MICHAEL: Sige na, ganahan lagi ka ani.
JR: Sige.
GINO: Diri lang ta sa sulod la, kay para mag videoke ta.
MICHAEL: Ah, maayo hinuon. (exit all)
Tungod sa barkada, nakakat on ug inom si Jr. Ingon man usab sa pagpanigarilyo. Ingon ug nahulog sa kaalautan ang duha ka anak ni Juan. Sa laing bahin niana.
Scene 6
(Juan ga basa-basa ug newspaper sa sala, moabot si Alvin)
JUAN: Hoy, Alvin, nganong karon pa man ka?
ALVIN: Sus, tay. Unsa man ka uy! Dili na ko bata. Ulitawo na ko. Busa dili na ka angay mabalaka nako.
JUAN: Apan wala pa ko nimo tubaga sa akong pangutana. Diin ka gikan?
ALVIN: Adto sa akong classmate, dugay nahuman among project.
JUAN: Unsa? Unsa ba kanang klasiha sa project nga dugay man kaayo mahuman. Wala ba ka masayod nga naguol kaayo ang imong inahan kung wala pa dinhi ang tanan niyang mga anak.
ALVIN: Ah! Peste, daghang yawyaw. Labaw pa man kang mama.
JUAN: Hoy Alvin, wala ta ka gipadala sa tulunghaan aron lang makakat-on sa pagtubag-tubag sa imong amahan. (moabot si Jake)
JAKE: Unsay nahitabo ani Pa, ha Alvin?
ALVIN: Wa kay labot busa ayaw paglabot-labot. Pesteng yawa, atay. (Lakaw)
JUAN: Alvin.......Alvin......
JAKE: Hustona pa, sagdi lang kay ako lang tong pakig istoryahan tong akong igsoon basin maminaw pa siya nako.
JUAN: Sige, anak. (molakaw, molakaw usab si Jake, mosulod si Alvin ug sundan ni Jake)
JAKE: Alvin, naunsa ka ba, dili maayo ang gihimo mo kang Papa.
ALVIN: Utro sab ka. Pareho ra mong mga yawa.
JAKE: Alvin, ang imong baba.
ALVIN: Hoy, Manoy, wa kay labot sa ahong kinabuhi. Busa kun dili ka gusto nga magsinumbagay ta karon . Pahawa sa akong atubangan. (Jake molakaw) Bwisit! Maayo pay maglaag (molakaw)
Tungod niini labihan ang kaguol ni Jake alang sa iyang igsoon. Busa miadto siya sa simbahan aron sa pag-ampo.
Scene 7
JAKE: (nagluhod) Ginoo ko, intawon malooy ka kanamo. Ayaw intawon itugot nga mahitumpawak sa kaalautan ang akong pinangga nga mga igsoon. Ako naga-ampo kanimo nga imo silang tultulan sa maayo nga dalan sa kinabuhi. Naguol ako alang kanila ingon man usab sa akong mga ginikanan. Ingon ug sa nawad an na ug pagtahud ang akong mga igsoon ngadto kanila. Ginoo, tabangi ako ug dungga ang akong mga pangamuyo.Amen (manguros, motindog ug padulong molakaw, matagbuan si Fr. Mark)
FR. MARK: Uy! Jake, unsa man ang imong gibuhat dinhi nga human na man ang misa?
JAKE: Uy! Father Mark, maayong buntag diha kanimo (moamen) Nag-ampo man gud ako alang sa akong mga igsoon.
FR. MARK: Pagkabuotan gayud nimo nga bata, angayan gyud kang mamahimong pari. Manglingkod sa ta. Karon, tagsa na lay mga batan-on nga aduna gihapoy batasan sama kanimo. Kasagaran, mga lampingasan na, mga walay tahod. Yuna, unsa man diay ang problema mahitungod sa imong mga igsoon?
JAKE: Ingon man gud ug nahisalaag sila sa dili husto nga dalan. Gani, kagabii giaway ko ni Alvin, ang among kinamanghuran. Ug tungod kay dili man ko gusto ug gubot, minglakaw na lang ko ug nagpailob.
FR. MARK: Mao ba? Abi nimo Jake, husto kanang imong gibuhat. Apan usahay kinahanglan nimo nga atubangan ang problema inay nga likayan. Ang usa ka problema dili masulbad pinaagi sa paglikay niini, tanan masolbad pinaagi sa panag-istoryahanay. Busa, kon ugaling moabot na usab ang panahon nga magkabingkil kamo sa imong mga igsoon, sulbara ninyo ang problema diha diha dayon.
JAKE: Mao ba Father, salamat kaayo sa imong mga bulawanong mga tambag. (tindog)
Sige Father moadto na ko kay basin gipangita na ko karon ni Papa. Mo ari sa ko( moamen)
FR. MARK: Sige Jake, kaloy-an unta ikaw sa Ginoo.
Ming-uli si Jake sa ilaha ug giandam na niya ang iyang mga butang nga angay dalhon sa seminaryo sanaglit tulo na lang ka adlaw ug pa reporton na siya sa seminaryo aron mamahimong usa ka seminarista. Apan ingon ug gisungog gayud siya sa kapalaran, aduna pay dako nga pagsuway nga iyang sagubangon sa dili pa siya mosulod sa seminaryo, ang iyang mga igsoon. Usa ka adlaw niana....
Scene 8
GINO: Abay, tilawi ni.
JR: Unsa man ni bay?
MICHAEL: Mao ni bay gitawag ug shabu?
GINO: Bitaw bay, Karon makatilaw na ka niini ug sigurado akong magpangita ka niini ug ganahan ka niini. Mura kay maglutaw sa hangin.
JR: Mao ba?
MICHAEL: Sige na bay, sugdan na ni nato ug yupyup. (Mag chip in sila sa shabu, hangtud ma high, mag singit singit, unya motindog silang tulo, adunay molabay nga tawo)
GINO: Psst... ikaw ba? Ambi, tagai kamig kwarta aron among ipalit ug bahalina
TAWO:Bay, yamo man koy kwarta.
JR: Unsay wa, basin gusto kang makatilaw ug sakit sa lawas (mangatawa ang tulo ka bugoy)Ania..(sumbagon ang tawo, mosukol ang tawo, karambola, hangtud nga dunggabon ni Gino ang tawo ug mamatay, matarantar ang tulo ug managan)
Ug dinhi magsugod ang kalbaryo sa pamilya ni Jake. Tungod sa nahitabo kang Jr ug sa iyang mga barkada, nahimong wanted si Jr. ug ang iyang duha ka mga barkada. Busa....
Scene 9
JR: (Maghangos) Pa ...Pa....
JUAN: Unsay nahitabo nimo JR, nganong nagdagan ka man ug ingon ug nahadlok ka man pag-ayo?
JR: Pa, tagai kog kwarta, dos mil karon dayon.(natarantar)
JUAN: Unsa? Apan nakahibalo ka nga wala akoy kwarta karon kay wala pa koy sweldo anha pa sa katapusan. Yuna, iasa man nimo ang kwarta?
JR: Kinahanglan ko nga malayas sa labing madaling panahon kay gipangita ako sa mga pulis.
JUAN: Unsa?
JR: Pa, nakapatay ko. Wa nako tuyua. Wa ko kahibalo ngano. Pa (hilak) Tabangi ko. (hilak) huhuhu..........
JUAN: Ginoo ko ug Dios ko.(hilak usab, mogawas si Jake)
JAKE: Pa, unsay nahitabo ani?
JUAN: Jake ang imong manong nakapatay siya ug kinahanglan nga makalayas siya sa labing panahon. Basin hiabtan pa siya sa mga pulis.
JAKE: Unsa? Ginoo ko. Manong, ngano man?
JR: Wa ko masayod. Wa ko sa akong buot niadtong mga taknaa. Tabangi ko Jake. Pangitai ko ug kwarta aron maka eskapo ko sa labing madaling panahon. Dili ko buot nga mapreso sa prisohan.
JAKE: Apan manong, dili husto ang imong gihunahuna. Mosamot kadako ang imong tulubagon sa autoridad kun moikyas ka. Ug kon ugani madakpan ka nila. Manong, surrender na lang. Atubanga ang imong problema ug ayaw kini likayi.
JR: Unsa ka ba Jake, gusto ba ka nga mabilanggo ko ha? Wa gyud kay kwenta nga pagka igsoon.
JAKE: Manong ako lang gihuna huna ang imong kaugmaon. Kabalo ako nga dili ka magmalinawon kun kanunay ka na lang moikyas sa imong tulubagon. Hinuon lisod sa sinugdan, apan kinahanglan nimong atubangon ang mga bunga sa dautan nimong mga binuhatan.
JUAN: Insakto ang imong manghud Jake, mas maayo kung mo surrender na lang ka.
JR: Tay! (Mogawas si Alvin)
ALVIN: Tan-awa ra, kriminal man gani ning ahong igsoon unya wa kasuk-i ag ako hinuon dabu dabuhan ug kasaba.
JR: Usba, usba kanang imong gisulti Alvin.(kwelyuhan)
ALVIN: Unsa man ha? Nga Kriminal ka, nya imo pod kong patyon. La, sige patya ko. Patya ko. Para matapos na ning tanan. (masuko si Jr unya sumbagon niya ang bungbong)
JAKE: Hustona, Manong.(pungngan niya si JR, motabang sa pagpugong si Juan) Unsa ba Alvin hustona. Mao ba kana ang imong ikatabang sa imong magulang niining pit os nga sitwasyon.
ALVIN: Hilom, hilig jud ka magpasaliakaw. Unya, sermonan na pod ko nimo.
JAKE: O tungod kay wala na mamao ang imong gihimo. Imbes nga tabangan nimo si Manong sa pagsulbad sa iyang problema, imo na man hinuon siya nga giduot. Unsa ka bang klase sa pagka-igsoon (Mapungot si Alvin ug gusto manumbag) Sige, sige, sumbaga ko kun mao kana ang makapalipay kanimo. Apan timan-i Alvin, gimahal ta ka isip akong igsoon. Ug dili ko gusto nga magmahay ka sa kauwahian angin lang nianang imong batasan. (mohilom si Alvin , ingon man si JR) Abi ninyo, galisod baya ko. Gusto kong mamahimong pari apan ingon ug inyo akong gibabagan sa akong mga pangandoy. Usa ra ka butang ang akong gipangayo sa Ginoo matag adlaw sa akong kinabuhi nga dili unta kamo mahulog sa mga kaalautan. Ikaw, Alvin nasayud ko kun nganong nasuko ka kaayo kang Papa tungod kay wala ka niya hatagi ug kwarta ug gikasab-an pod ka niya. Apan nasayod ba ka nga gihimo to ni Papa tungod sa iyang pagmahal kanimo. Palihug, ihunong na nato kining tanan. Dili pa ulahi ang tanan para magbag-o ta ug mahimong usa ka malipayon nga pamilya.
JUAN: Anak (gakos kang Jake) Hustona... Husto si Jake Alvin, mahal ta ka, kamong tanan nakong mga anak. Ug buot usab ako mangayo ug pasaylo kaninyo. Kanimo Alvin kun ugaling pit-os ra ko kaayo kanimo, kun gikasab-an ta ka, pasayloa ako, nahimo ko lang kadto tungod sa akong paghigugma kanimo.
ALVIN: Pa, pasayloa ko. Wala ko masayod.
JUAN: Gipasaylo ko na ikaw anak, bisan pa man sa wala mo pa ikabungat ang maong mga pulong.
ALVIN: Pa.(hilak, gakos) Manong, Manoy pasayloa usab ako.
JR: Ingon man usab ako pa, pasayloa ko kun ugani nakapasakit ko kaninyo. Kanimo Jake, pasayloa usab ako kun nakababag kami sa imong bokasyon ug salamat usab sa imong mga tambag. Husto ka. angay ko nga mo surrender para mogaan ang akong setensya.(gakos ang pamilya)
JAKE: Gipasaylo ko na kamong tanan. Ug salamat sa Ginoo. (gakos ang tanan, group hug)
Ug mi surrender gayud si Jr sa mga kapulisan ug tungod niini nagamay gamayan ang iyang sentensya. Sa laing bahin, nahinayon si Jake pagsulod sa seminaryo ug si Alvin nagpadayon sa iyang pagtungha.
Kun adunay kangitngit sa atong katilingban, hinaut makakita man lang kita ug usa ka anino sa kahayag aron makahinumdom kita sa atong mga kapakyasan. Dili pa ulahi ang tanan kun ang tawo mamalandong lamang alang sa iyang kaayuhan.
Ug dinhi nahulog ang tabil sa among drama nga nag-ulohan ANINO SA KAHAYAG. Ug ania ang mga artista nga nagdala sa maong drama:
CAST OF CHARACTERS
PEDRO --------------------------------MARTIN RELAMPAGOS
JUAN----------------------------------RICHARD PONGASE
TASIO---------------------------------JOHN DAVE
NILO-----------------------------------JOVANIE CORTES
RAMON ------------------------------LEO GIL RUBIA
TERSO---------------------------------HENRY LANIBA
BERT----------------------------------MELVIN TAJALE
ALVIN---------------------------------MARK VINCENT DALAGAN
JR---------------------------------------JEFFREY JANOMIL
JAKE-----------------------------------WALDEMAR CASTINO
MICHAEL-----------------------------CHRISTIAN MEBRANO
MIGUEL-------------------------------MARK JOHN MANATAD
GINO-----------------------------------PAT LESTER SALAS
FR. MARK----------------------------GERARD VALLES
TAWO---------------------------------FIDEL AMOLO
DIRECTED BY : MARK NEIL ERONICO
SCRIPTWRITER: WALDEMAR CASTINO
NOMINEES FOR BEST ACTOR
- SEM. JEFFREY JAMONIL
- SEM. MARK VINCENT DALAGAN
- SEM. WALDEMAR CASTINO
- SEM. CHRISTIAN MEBRANO
NOMINEE FOR BEST DIRECTOR:
- SEM. MARK NEIL ERONICO
NOMINEE FOR BEST SCRIPT WRITER:
- SEM. WALDEMAR CASTINO
Kahayag. Matag usa kanato nanginahanglan ug kahayag. Ang kahayag mao ang mogiya kanato sa atong paga-agian. Kun wala ang kahayag, malagmit mapandol kita sa dalan ug mahitumpawak kita sa kaalautan. Ang kahayag usab sa huna huna mao ang mogiya kanato sa paghimo ug hustong mga desisyon sa kinabuhi. Apan dili nato kalikayan nga moabot gayud ang gabii sa atong kinabuhi ug mawala ang kahayag. Apan bisan pa niini, aduna unta kitay makita bisan anino man lamang. Ug tungod niini, mapagarbuhong ipasundayg kaninyo gikan sa St. Francis team ang usa ka drama nga nag ulohan , "Anino sa kahayag."
Scene 1
PEDRO: Juan, anak, Andam na ba ka? kay moadto na ta's simbahan sanglit Dominggo man karon. Pagdali diha kay daghan ra bag manimba ron kay hapit nay pista. Pagdali para makalingkod ta.
JUAN : O tay, hulat sa kadiyot. OK. Andam na ko. Tana. (samtang molakaw sila) Tay, mag-unsa man ta sa pista ato bang ihawon tong atong baboy?
PEDRO: Syempre anak, isip pasalamat sa atong patron nga si San Roque. Nagkasabot na mi si Nanay nimo nga ato sang ihawon ang atong baboy .
JUAN: Mao ba? kalooy sad sa atong baboy.
PEDRO: Ayaw kabalaka anak kay inig maihaw na tong atong babboy, mopalit na usab kita ug bag-ong baboy para dili ka mingawon sa imong baboy. Ok?
JUAN: Sige, tay maayo noon. Yuna pa, tay, tua silang lolo sa unahan O!. (singgit ug kaway) Lo... Huwat (dagan, Lolo hunong ) Tiyo! (tiyo lingi)
TASIO: Oy, apo (Juan mo- amen) kaloy-an kas' Ginoo.
JUAN: Maayong buntag kanimo lo. Tiyo (amen sa tiyo) maayong buntag usab.
TIYO RAMON: kaloy-an ka sa Ginoo, Juan.
TASIO: Kinsa bay imong uban doy?
JUAN: Si Papa, manimba man mi padulong.
TIYO RAMON: Pagkabuotan gayud nimo nga bata Juan.
JUAN: Salamat tiyo, Oy, gaw mosimba diay pod ka?
NILO: O gaw, syempre para kaloy-an ta ni Lord ba.
JUAN: Ingon ana gyud gaw kay di ba niingon man to si titser nga ang batang mosimba sa Ginoo, kaloy-an sa Ginoo.
NILO: Bitaw gaw, para pod makapasalamt ta ni Papa Jesus di ba lo?
TASIO: Husto mga apo.
PEDRO: Maayong adlaw tay, (mo-amen ni Tasio)maayo kay nagkaabot ta Buyno, magkuyog na lang ta.
(exit)
Mao kadto ang pamilya ni Pedro, usa lamang ang iyang anak nga mao si Juan ug sukad sa pagkabata iya na kining gimatuto pag-ayo ug gianad niya sa pagsimba kada Dominggo. Samtang bata pa ang iyang anak, iya kining gitudluan sa mga maayong butang. Usa ka adlaw niana........
Scene 2
PEDRO: Doy, Juan, paglung-ag na kay hapit na to mouli tong imong inahan gikan nanglaba.
JUAN: O tay (mogawas, mobalik) Tay, tay, wala na man diay tay bugas para lung agon.
PEDRO: Mao ba? Unsaon na man ni? Sigurado akong gutmon gyud tong imong inahan inig abot niya gikan nanglaba, Yuna, ah maayo pa pamaylo na lang una adto sa atong silingan si Nong Terso. Ingna nga mamaylo ta'g usa ka gantang ug anha lang bayaran inig makauga na ta sa atong humay.
JUAN: O, tay (kuha ug cellophane) Sige tay, molakaw sa ko. (moamen, molakaw) Ayo...Ayo...
TERSO: Oy, doy, unsa may ato?
JUAN: Maayong udto nong Terso,(moamen)
TERSO: Kaloy-an ka sa Dios doy.
JUAN: Miingon si Tatay nga mamaylo sa kuno siya ug bugas, usa ka gantang.
TERSO: Unsay gatas?
JUAN: (kusog tingog) Bugas, usa ka gantang kay wa na man mi lung agon unya mouli ra ba to si Nanay gikan nanglaba.
TERSO: Mao ba, Abi ko bag gatas. Kusga pod intawon ug sulti doy kay kabalo na ka ning magkatiguwang ta , magkabungol. Pila ba diay imong bayloon
JUAN: Usa ka gantang,
TERSO: Sige, paghulat sa diha kay magkuha ko. Bi, ambi nang imong sudlanan (mogawas, mobalik dala ang bugas) O, ania.
JUAN: Salamat kaayo nong ha? Ingon diay si Tatay nga anha ra ni niya bayran kun makauga na mis amoang humay.
TERSO: O sige, paghinay-hinay ( exit Juan, then Terso, then Juan enter with the rice)
JUAN: Tay, tay, ania ra ang bugas.
PEDRO: Maayo kay nakadala ka, buyno, hala sige ihatod kining utan adto ni Noy Terso kay buotan ra ba kaayo nang tiguwanga.
JUAN: Nag-utan diay ka tay?
PEDRO: O lagi kay nahurot na man gud ang atong paropot.
JUAN: Unsa man ning utana tay?
PEDRO: Aw, nilaw-oy ra gud nga kamunggay. May na lang makahigop ug sabaw ang tiguwang. Sige na.
JUAN: O Tay.(exit)
Bisan pa man ug kabos sila si Pedro apan malipayon gihapon sila tungod kay nagkahiusa man sila. Ug bisan pa man sa ilang kakabos, buot ni Pedro nga maka human sa pagtungha ang iyang bugtong anak busa naningkamot gayud siya pag ayo.
Scene 3
JUAN: Tay, tay, tan awa O!. Dako kaayo kog grado sa akong pagtungha.
PEDRO: Maayo anak, ingon ana gyud. Pagtarong sa imong pagtuon aron nga mahimong lamdag ang imong kaugmaon. Gusto ko nga dili ka mapareho namo sa imong nanay nga way nahuman. Gusto ko nga mahimo kang edukado aron dili ka maglisod inig maminyo ka pohon. (Adunay motuktok) Yuna pa, mura ug adunay nangayug kaayohan, adtoa daw
BERT: Maayo, maayong adlaw.
JUAN: Unsay ato?
BERT: Maayong buntag diha kanimo doy. Pwede ba ko nga mohangyo ug tubig kay giuhaw na gyud ko kaayo.
PEDRO: Kinsa kana Juan?
BERT: Maayong buntag diha kanimo bay. Pwede ba ko nga mohangyo ug bisan tubig na lang kay giuhaw na gyud ko kaayo. Gikan pa man gud ko sa layong dapit ug padulong ko sa lungsod. Ug sanglit kay wala man koy pamasahe mao nga naglakat lang ko. Mahimo ba?
PEDRO: Mao ba? Kalooy sab nimo. Sige dayon. Lingkod una. Juan, sige tawga ang imong inahan ug ingna ipa andam na ang lamisa kay manihapon na ta karong taud taud. . Ingna usab nga paapilan ug usa ka plato alang sa atong bisita. Unya, pagdala dayon ug tubig diri.
JUAN: O tay.(gawas)
BERT: Apan bay, sobra na kana kaayo..(sulod Juan dala ang tubig)
JUAN: Dia ra ang tubig noy, sige inom sa!
BERT: Salamat doy.
JUAN: Way sapayan noy. (gawas)
BERT: Maikog man sad ta ninyo.
PEDRO: Ayg igsapayan kana bay. Kabalo ko nga gigutom sab ka. Busa hinaut dili nimo balibaran ang akong dalit nga panihapon. Magpinobre lang gud ta, unsaon man nga pobre man gyud ta.Ug kon buot mo, diri na lang pagpalabay sa kagabhion.
BERT: Pagkamaayo ninyo, bay. Kaloy-an gayud kamo sa Ginoo.(gawas Juan)
JUAN: Tay, andam na ang lamisa.
PEDRO: Buyno, tana.
Puno sa kaayo ang pamilya ni Pedro. Ug tungod sa pangpaningkamot ni Pedro binuligan sa pagtinarong ni Juan sa iyang pagtunga, nakahuman gayud si Juan ug kurso sa kolehiyo. Milabay ang daghang panahon ug nakahimo na usab si Juan ug iyang kaugalingon nga pamilya. Aduna siyay tulo ka anak, nga pulos lalaki. Si Junior, si Jake, ug si Alvin Usa ka adlaw nga Domingo niana. (Jr. nag tan-aw sa TV)
Scene 4
ALVIN: Kuya, aduna ka bay kwarta diha kay aduna koy paliton.
JR:(gatan-aw ug tv) Unsay kwarta, kita kang pobre pa tas ilaga. Ug mangayo diay ka ni Papa.
ALVIN: Ambot na si Papa uy, modayon man ug ingon nga wala daw siyay kwarta. Makalagot! Daghan pag sermon.(moabot si Jake magdagan, excited)
JAKE: Pa, pa.
JR: Ngano ka Jake?
JAKE: Hain si Papa, si Mama? (Juan mogawas)
JUAN: O Jake, nganong nangita ka kanako?
JAKE: Pa, tan-awa (pakita sa sulat) Sulat ni Pa, gika sa seminaryo, nakapasar ko.
JUAN: Unsa? Pagkamaayo. Congratulations anak. Buyno, mangadto kita sa simbahan karon kay Dominggo man aron makapasalamat kita sa Ginoo. JR, Alvin, hala sige pag-ilis na mo.
JAKE: Sige, pa, mag-ilis na sab ko.
JUAN: Hoy, Jr., Alvin, unsa ba, sige na , pagnga na ng TV diha
JR: Sus, simba simba way nadato ana.
JUAN: Tan-awa ra. Mao ba nay imong nakat-onan sa imong pagtungha. (Jr. molakaw nga nagbagutbot) Ikaw Alvin, ayaw ko ingna ug dili sad ka mosimba.
AALVIN: Pa, aduna koy lakaw karong taud-taud. Aduna mi himoon nga project sa akong mga classmates.
JUAN: Hesus, Ginoo, bisan Dominggo, project gihapon. Naunsa na man ning kalibutan karon uy! (gawas Jake) Buyno, tana kay dili siguro mokuyog nato tong inyong duha ka igsoon.
JAKE: Mao ba? (exit)
Hinuon maayo nga tawo si Juan apan kulang siya sa disiplina sa iyang mga anak. Dako kaayo ang iyang pagmahal kanila ug tungod sab siguro sa impluwensiya sa press, nahilo ang huna huna sa mga kabatan-onan ilabina ang duha niya ka anak . Usa ka adlaw niana......
Scene 5
MICHAEL: Uy, JR. bay. Kumusta man? Unsay lingaw nato ron?
JR: Wa lagi.
MICHAEL: Buyno, kuyog ta adto ta ilang Gino (smoking cigars)
JR: Mag unsa man ta didto?
MICHAEL: Sus, mangita gud ta'g lingaw. (aduna silay matagbuan)
MIGUEL: Michael, doy, balhina sa intawon tong baka.
MICHAEL: Saba, kalingaw na raman ako. Ikaw diay. Peste kang tiguwanga ka. Samok,
(padayon sa paglakaw) Sus, makalagot jud nang tiguwanga angay a patyon.
JR: Kinsa diay to bay?
MICHAEL: Ah! Way lain ang ahong kinakusgang amahan.
JR: Mao ba?
GINO: Uy! Mike kumusta? Maayo kay imong gidala ning buang dinhi.
JR: Abay! Nya, unsa may lingaw diri.
GINO: Aw, syempre, tagay ta. O imo sa ni.
JR: Salamat bay.
MICHAEL: Bay, tilawi daw ning sigarilyo.
JR: Ha?
MICHAEL: Sige na, ganahan lagi ka ani.
JR: Sige.
GINO: Diri lang ta sa sulod la, kay para mag videoke ta.
MICHAEL: Ah, maayo hinuon. (exit all)
Tungod sa barkada, nakakat on ug inom si Jr. Ingon man usab sa pagpanigarilyo. Ingon ug nahulog sa kaalautan ang duha ka anak ni Juan. Sa laing bahin niana.
Scene 6
(Juan ga basa-basa ug newspaper sa sala, moabot si Alvin)
JUAN: Hoy, Alvin, nganong karon pa man ka?
ALVIN: Sus, tay. Unsa man ka uy! Dili na ko bata. Ulitawo na ko. Busa dili na ka angay mabalaka nako.
JUAN: Apan wala pa ko nimo tubaga sa akong pangutana. Diin ka gikan?
ALVIN: Adto sa akong classmate, dugay nahuman among project.
JUAN: Unsa? Unsa ba kanang klasiha sa project nga dugay man kaayo mahuman. Wala ba ka masayod nga naguol kaayo ang imong inahan kung wala pa dinhi ang tanan niyang mga anak.
ALVIN: Ah! Peste, daghang yawyaw. Labaw pa man kang mama.
JUAN: Hoy Alvin, wala ta ka gipadala sa tulunghaan aron lang makakat-on sa pagtubag-tubag sa imong amahan. (moabot si Jake)
JAKE: Unsay nahitabo ani Pa, ha Alvin?
ALVIN: Wa kay labot busa ayaw paglabot-labot. Pesteng yawa, atay. (Lakaw)
JUAN: Alvin.......Alvin......
JAKE: Hustona pa, sagdi lang kay ako lang tong pakig istoryahan tong akong igsoon basin maminaw pa siya nako.
JUAN: Sige, anak. (molakaw, molakaw usab si Jake, mosulod si Alvin ug sundan ni Jake)
JAKE: Alvin, naunsa ka ba, dili maayo ang gihimo mo kang Papa.
ALVIN: Utro sab ka. Pareho ra mong mga yawa.
JAKE: Alvin, ang imong baba.
ALVIN: Hoy, Manoy, wa kay labot sa ahong kinabuhi. Busa kun dili ka gusto nga magsinumbagay ta karon . Pahawa sa akong atubangan. (Jake molakaw) Bwisit! Maayo pay maglaag (molakaw)
Tungod niini labihan ang kaguol ni Jake alang sa iyang igsoon. Busa miadto siya sa simbahan aron sa pag-ampo.
Scene 7
JAKE: (nagluhod) Ginoo ko, intawon malooy ka kanamo. Ayaw intawon itugot nga mahitumpawak sa kaalautan ang akong pinangga nga mga igsoon. Ako naga-ampo kanimo nga imo silang tultulan sa maayo nga dalan sa kinabuhi. Naguol ako alang kanila ingon man usab sa akong mga ginikanan. Ingon ug sa nawad an na ug pagtahud ang akong mga igsoon ngadto kanila. Ginoo, tabangi ako ug dungga ang akong mga pangamuyo.Amen (manguros, motindog ug padulong molakaw, matagbuan si Fr. Mark)
FR. MARK: Uy! Jake, unsa man ang imong gibuhat dinhi nga human na man ang misa?
JAKE: Uy! Father Mark, maayong buntag diha kanimo (moamen) Nag-ampo man gud ako alang sa akong mga igsoon.
FR. MARK: Pagkabuotan gayud nimo nga bata, angayan gyud kang mamahimong pari. Manglingkod sa ta. Karon, tagsa na lay mga batan-on nga aduna gihapoy batasan sama kanimo. Kasagaran, mga lampingasan na, mga walay tahod. Yuna, unsa man diay ang problema mahitungod sa imong mga igsoon?
JAKE: Ingon man gud ug nahisalaag sila sa dili husto nga dalan. Gani, kagabii giaway ko ni Alvin, ang among kinamanghuran. Ug tungod kay dili man ko gusto ug gubot, minglakaw na lang ko ug nagpailob.
FR. MARK: Mao ba? Abi nimo Jake, husto kanang imong gibuhat. Apan usahay kinahanglan nimo nga atubangan ang problema inay nga likayan. Ang usa ka problema dili masulbad pinaagi sa paglikay niini, tanan masolbad pinaagi sa panag-istoryahanay. Busa, kon ugaling moabot na usab ang panahon nga magkabingkil kamo sa imong mga igsoon, sulbara ninyo ang problema diha diha dayon.
JAKE: Mao ba Father, salamat kaayo sa imong mga bulawanong mga tambag. (tindog)
Sige Father moadto na ko kay basin gipangita na ko karon ni Papa. Mo ari sa ko( moamen)
FR. MARK: Sige Jake, kaloy-an unta ikaw sa Ginoo.
Ming-uli si Jake sa ilaha ug giandam na niya ang iyang mga butang nga angay dalhon sa seminaryo sanaglit tulo na lang ka adlaw ug pa reporton na siya sa seminaryo aron mamahimong usa ka seminarista. Apan ingon ug gisungog gayud siya sa kapalaran, aduna pay dako nga pagsuway nga iyang sagubangon sa dili pa siya mosulod sa seminaryo, ang iyang mga igsoon. Usa ka adlaw niana....
Scene 8
GINO: Abay, tilawi ni.
JR: Unsa man ni bay?
MICHAEL: Mao ni bay gitawag ug shabu?
GINO: Bitaw bay, Karon makatilaw na ka niini ug sigurado akong magpangita ka niini ug ganahan ka niini. Mura kay maglutaw sa hangin.
JR: Mao ba?
MICHAEL: Sige na bay, sugdan na ni nato ug yupyup. (Mag chip in sila sa shabu, hangtud ma high, mag singit singit, unya motindog silang tulo, adunay molabay nga tawo)
GINO: Psst... ikaw ba? Ambi, tagai kamig kwarta aron among ipalit ug bahalina
TAWO:Bay, yamo man koy kwarta.
JR: Unsay wa, basin gusto kang makatilaw ug sakit sa lawas (mangatawa ang tulo ka bugoy)Ania..(sumbagon ang tawo, mosukol ang tawo, karambola, hangtud nga dunggabon ni Gino ang tawo ug mamatay, matarantar ang tulo ug managan)
Ug dinhi magsugod ang kalbaryo sa pamilya ni Jake. Tungod sa nahitabo kang Jr ug sa iyang mga barkada, nahimong wanted si Jr. ug ang iyang duha ka mga barkada. Busa....
Scene 9
JR: (Maghangos) Pa ...Pa....
JUAN: Unsay nahitabo nimo JR, nganong nagdagan ka man ug ingon ug nahadlok ka man pag-ayo?
JR: Pa, tagai kog kwarta, dos mil karon dayon.(natarantar)
JUAN: Unsa? Apan nakahibalo ka nga wala akoy kwarta karon kay wala pa koy sweldo anha pa sa katapusan. Yuna, iasa man nimo ang kwarta?
JR: Kinahanglan ko nga malayas sa labing madaling panahon kay gipangita ako sa mga pulis.
JUAN: Unsa?
JR: Pa, nakapatay ko. Wa nako tuyua. Wa ko kahibalo ngano. Pa (hilak) Tabangi ko. (hilak) huhuhu..........
JUAN: Ginoo ko ug Dios ko.(hilak usab, mogawas si Jake)
JAKE: Pa, unsay nahitabo ani?
JUAN: Jake ang imong manong nakapatay siya ug kinahanglan nga makalayas siya sa labing panahon. Basin hiabtan pa siya sa mga pulis.
JAKE: Unsa? Ginoo ko. Manong, ngano man?
JR: Wa ko masayod. Wa ko sa akong buot niadtong mga taknaa. Tabangi ko Jake. Pangitai ko ug kwarta aron maka eskapo ko sa labing madaling panahon. Dili ko buot nga mapreso sa prisohan.
JAKE: Apan manong, dili husto ang imong gihunahuna. Mosamot kadako ang imong tulubagon sa autoridad kun moikyas ka. Ug kon ugani madakpan ka nila. Manong, surrender na lang. Atubanga ang imong problema ug ayaw kini likayi.
JR: Unsa ka ba Jake, gusto ba ka nga mabilanggo ko ha? Wa gyud kay kwenta nga pagka igsoon.
JAKE: Manong ako lang gihuna huna ang imong kaugmaon. Kabalo ako nga dili ka magmalinawon kun kanunay ka na lang moikyas sa imong tulubagon. Hinuon lisod sa sinugdan, apan kinahanglan nimong atubangon ang mga bunga sa dautan nimong mga binuhatan.
JUAN: Insakto ang imong manghud Jake, mas maayo kung mo surrender na lang ka.
JR: Tay! (Mogawas si Alvin)
ALVIN: Tan-awa ra, kriminal man gani ning ahong igsoon unya wa kasuk-i ag ako hinuon dabu dabuhan ug kasaba.
JR: Usba, usba kanang imong gisulti Alvin.(kwelyuhan)
ALVIN: Unsa man ha? Nga Kriminal ka, nya imo pod kong patyon. La, sige patya ko. Patya ko. Para matapos na ning tanan. (masuko si Jr unya sumbagon niya ang bungbong)
JAKE: Hustona, Manong.(pungngan niya si JR, motabang sa pagpugong si Juan) Unsa ba Alvin hustona. Mao ba kana ang imong ikatabang sa imong magulang niining pit os nga sitwasyon.
ALVIN: Hilom, hilig jud ka magpasaliakaw. Unya, sermonan na pod ko nimo.
JAKE: O tungod kay wala na mamao ang imong gihimo. Imbes nga tabangan nimo si Manong sa pagsulbad sa iyang problema, imo na man hinuon siya nga giduot. Unsa ka bang klase sa pagka-igsoon (Mapungot si Alvin ug gusto manumbag) Sige, sige, sumbaga ko kun mao kana ang makapalipay kanimo. Apan timan-i Alvin, gimahal ta ka isip akong igsoon. Ug dili ko gusto nga magmahay ka sa kauwahian angin lang nianang imong batasan. (mohilom si Alvin , ingon man si JR) Abi ninyo, galisod baya ko. Gusto kong mamahimong pari apan ingon ug inyo akong gibabagan sa akong mga pangandoy. Usa ra ka butang ang akong gipangayo sa Ginoo matag adlaw sa akong kinabuhi nga dili unta kamo mahulog sa mga kaalautan. Ikaw, Alvin nasayud ko kun nganong nasuko ka kaayo kang Papa tungod kay wala ka niya hatagi ug kwarta ug gikasab-an pod ka niya. Apan nasayod ba ka nga gihimo to ni Papa tungod sa iyang pagmahal kanimo. Palihug, ihunong na nato kining tanan. Dili pa ulahi ang tanan para magbag-o ta ug mahimong usa ka malipayon nga pamilya.
JUAN: Anak (gakos kang Jake) Hustona... Husto si Jake Alvin, mahal ta ka, kamong tanan nakong mga anak. Ug buot usab ako mangayo ug pasaylo kaninyo. Kanimo Alvin kun ugaling pit-os ra ko kaayo kanimo, kun gikasab-an ta ka, pasayloa ako, nahimo ko lang kadto tungod sa akong paghigugma kanimo.
ALVIN: Pa, pasayloa ko. Wala ko masayod.
JUAN: Gipasaylo ko na ikaw anak, bisan pa man sa wala mo pa ikabungat ang maong mga pulong.
ALVIN: Pa.(hilak, gakos) Manong, Manoy pasayloa usab ako.
JR: Ingon man usab ako pa, pasayloa ko kun ugani nakapasakit ko kaninyo. Kanimo Jake, pasayloa usab ako kun nakababag kami sa imong bokasyon ug salamat usab sa imong mga tambag. Husto ka. angay ko nga mo surrender para mogaan ang akong setensya.(gakos ang pamilya)
JAKE: Gipasaylo ko na kamong tanan. Ug salamat sa Ginoo. (gakos ang tanan, group hug)
Ug mi surrender gayud si Jr sa mga kapulisan ug tungod niini nagamay gamayan ang iyang sentensya. Sa laing bahin, nahinayon si Jake pagsulod sa seminaryo ug si Alvin nagpadayon sa iyang pagtungha.
Kun adunay kangitngit sa atong katilingban, hinaut makakita man lang kita ug usa ka anino sa kahayag aron makahinumdom kita sa atong mga kapakyasan. Dili pa ulahi ang tanan kun ang tawo mamalandong lamang alang sa iyang kaayuhan.
Ug dinhi nahulog ang tabil sa among drama nga nag-ulohan ANINO SA KAHAYAG. Ug ania ang mga artista nga nagdala sa maong drama:
CAST OF CHARACTERS
PEDRO --------------------------------MARTIN RELAMPAGOS
JUAN----------------------------------RICHARD PONGASE
TASIO---------------------------------JOHN DAVE
NILO-----------------------------------JOVANIE CORTES
RAMON ------------------------------LEO GIL RUBIA
TERSO---------------------------------HENRY LANIBA
BERT----------------------------------MELVIN TAJALE
ALVIN---------------------------------MARK VINCENT DALAGAN
JR---------------------------------------JEFFREY JANOMIL
JAKE-----------------------------------WALDEMAR CASTINO
MICHAEL-----------------------------CHRISTIAN MEBRANO
MIGUEL-------------------------------MARK JOHN MANATAD
GINO-----------------------------------PAT LESTER SALAS
FR. MARK----------------------------GERARD VALLES
TAWO---------------------------------FIDEL AMOLO
DIRECTED BY : MARK NEIL ERONICO
SCRIPTWRITER: WALDEMAR CASTINO
NOMINEES FOR BEST ACTOR
- SEM. JEFFREY JAMONIL
- SEM. MARK VINCENT DALAGAN
- SEM. WALDEMAR CASTINO
- SEM. CHRISTIAN MEBRANO
NOMINEE FOR BEST DIRECTOR:
- SEM. MARK NEIL ERONICO
NOMINEE FOR BEST SCRIPT WRITER:
- SEM. WALDEMAR CASTINO
No comments:
Post a Comment